As an anonymous user, you can only add new data. If you would like to also modify existing data, please create an account and indicate your languages on your user page.

Help:Definition/avk

From OmegaWiki
< Help:Definition(Redirected from Definition/avk)
Jump to: navigation, search

Asturianu | па-беларуску | Deutsch | ελληνικά | English | Español | Français | Italian | Nederlands | Português| Po slovensky | Svenska | +/-

Kalkotavara va Tentuks ke 30/10/2007.

Tentuks tir sixoaks va envaks muxan gan man Muxaks, ton tanoy ok konak blayak. Gesiara va bat Tentuks isu Muxaks tir TentunaSugdala. Ta men gotuyuna tazukara va intafa TentunaSugdala, gedraf tazuk yo ke mil ravlem do mil Tentuks zo gesiatad.

Tentuks kal ara ava se zo roremsuter, ise ede bat remsuteyen Tentuks gan Muxaks koe icdefa ava kalvekon zo romuxar, Tentuks/Muxaks tolonga wetce TentunaSugdala ta djuremsutera kal ara warzafa ava tir rokruptena. Wori, etrakason, xantaf Tentuks vamoeter !

Ede Tentuks tir kalvekon meromuxas, vanpokef Muxaks zo solnaritir voxe bam wetce memilkaca. Batcoba askoar da malsaven Muxaks zo gogesiatar do ar Tentuks dan in va envaks, batinde tazukason va ara TentunaSugdala, pilkon sixoar.

Okafa tazukoyera va mil Tentuks daletoe tir rodafuna. Bata okafa tazukoyera va mil tentuks dam xantaf tentuks muxatar voxe tori amidik yo ; tulon lodopafa pimtara oku kalvekafa gu rumeik ik diveavaravesik. Ta muxara va amidamaf envaks me zo gofaver kire bam toleafa TentunaSugdala zo co-goloplekur.

Bazesiki yo va sutera va wadaf Tentuks[edit]

Donaf tentuks yo noved da icle 90% ke belisikeem vanmiae belca va envaks yo wadon pilkomodad. Trabe :

  1. Tentuks yo vadjes va tan muxaks pu belisik zo draged.
  2. In koe belca va konaka tula va bat muxaks belir.
  3. In yovar da va tentuks vadjes va kot erk ke bat muxaks (koe belca) pilkomodar.
  4. Ede le 90% ke belisikeem va wadaf tentuks ke tan muxaks ke belca elimon ropilkomodar, bat muxaks yo goke da me daniaskid zo godakted.

Pirdara se[edit]

  • Kan eltayap va tentuks bokal aze kan u ok milvodasaca kare suterinda tenukel.
  • Til aptaf
  • Cin vwon ice envaks (volruptes va kota ava, aptaf pilkaceem ke muxaks ik ava tid meroderaykana) tiv.
  • Va « veymuxaks » dum ravlem ok muxaks me favel. Ara milsugdalaca yo iku kalavaks yo rotir rotid milordafa.
  • Ede apt tir, va opaf yolt kotentuksal.
  • Ede tuwavafa ota tir, kan woda se suteson kotentuksal.