As an anonymous user, you can only add new data. If you would like to also modify existing data, please create an account and indicate your languages on your user page.

Help:Introduction to OmegaWiki/avk

From OmegaWiki
Jump to: navigation, search

Template:OmegaWiki/Translations

ERD noeltaf

OmegaWiki tir wiki abdumimaks ke dan enid tir kabelcara va ravlemopafa is trogarnafa is avafa giva se.

Izva[edit]

Rieta va OmegaWiki golde buvera ke Wiktionary larmeem kobliyir. Konak Wiktionary abdumimaks, faveson va teza yo bazesa va giva se meruptesa va ava, belcon kobad. Bata teza yo al noved da origarburera koe Wiktionary larm tid lodrikafa. Kevoke viele Wiktionary larm zo nusker, batcoba zvaker : kot Wiktionary larm dem mila giva nubedon zo gonusker. Oye ota va mon 7000 ok 8000 ava, batcoba tir volropofena.

Brubeopa[edit]

Bolk lize tanoya giva tanon zo nusker nume vanpir deraykana tori kottan, kle zo gonoveyer. Batenide, koti walasiki gotir koton kalavayani ise origeem ko skedarorigak zo gobelctar.

Keneon, va fliaceem ke wiki lidam Mediawiki djunubagiv. Moe Meta Wikidata abdumimaks al zo drager. Bat abdumimaks va cinafa olegara en vadjeyer, ise levginon gan Kennisnet, OmegaWiki abdumimaks al rokoblir. Remion, dokobara do Knewco zolosta va abdumimaks al divatcer, nume koe breviz ke OmegaWiki konak trogarnaf bolk noelton zo weslad.

Ultimate Wiktionary[edit]

Ultimate Wiktionary (UW, Narmaf Wiktionary Larm) tir yolt ke tel vonen abdumimaks. Tan nelkaf mukot tir da fliaceem ke Wikidata varze UW zo gumeruptesad kire galpev da tori ar abdumimaks lobitonaf dam UW Wikidata zo co-rofaver.

Raxivayan siatos, 7-aksat 2006 ke OmegaWiki mo vusiko dere tir lizukon rokalvajan.

Dere belil[edit]