OLPC Children's Dictionary/bre

Languages: bre - eng - fra - deu - esp - ita - nld +/-
Merdeiñ: Pajenn degemer ar raktres - 1000 ger diazez dre strolladoù - Pakadoù 5 ger da dermeniñ dre bajennoù - Degas kemmoù da benngerioù ar geriadur - Pellgargañ - Keleier

---

Ur Geriadur Liesyezhek evit Bugale ar Bed OmegaWiki (http://OmegaWiki.org) zo anezhañ ur raktres da ziorren ur geriadur frank diazezet war ur Wiki e kement yezh zo er bed, e kenlabour gant skol-veur Bamberg (http://www.uni-bamberg.de) evit lakaat war wel rolloù gerioù talvoudus ha sevel arloadoù zo ezhomm anezho. Dreist-holl emaomp o labourat evit sevel ur geriadur evit ar vugale a vo enframmet en urzhiataerioù hezoug OLPC. One Laptop Per Child [OLPC] (un urzhiataer hezoug dre vugel) zo un intrudu evit produiñ a-vras urzhiataerioù hezoug solut marc'hat-mad-kenañ (100 $) hag evit skignañ anezho dre ar bed-holl evit kas war-raok deskadurezh milionoù a vugale. Binvioù deskiñ dispar eo an hezougelloù, soñjet m'int bet a-ratozh evit bugale a vev e lec'hioù distro ar bed. Skoazellañ a c'hallit Diouerit ganeomp un nebeud munutennoù eus hoc'h amzer evit gwellaat troidigezhioù ha termenadurioù 10 ger. Ma kemerit perzh un tammig bihan e c'hallimp diraeziñ milionoù a vugale dre ar bed. Mar fell deoc'h kemer perzh, kasit ur postel da : kids@OmegaWiki.org ha rollit ar yezhoù a c'hallit treiñ daveto – deuet mat eo an holl yezhoù. Resev a reot ur postel ennañ titouroù war an doare da skoazellañ ac'hanomp hag ur roll gerioù da labourat warno. Trugarez vras deoc'h evit ho sikour! Sabine Cretella en anv ar skipailh kenurzhiañ g.s. Ha c'hoant hoc'h eus da c'houzout hiroc'h a-zivout ma hunvre din-me ? Dont a-benn ma vo prest ar geriadur-mañ, pe da nebeutañ un darn vat anezhañ, e meur a yezh a-raok Nedeleg... tri miz ac'hann eo traken... hag ho hunvre deoc'h e c'hallfe dont da vezañ ivez ?