Portal:pms

From OmegaWiki

Ethnologue

ISO-639-1 -
ISO-639-3 pms

pms

St'utent-sì a l'é un parlant nativ piemontèis.

 pms-5

St'utent-sì a parla piemontèis a livel professional .

 pms-4

St'utent-sì a parla piemontèis squasi coma un parlant nativ .

 pms-3

St'utent-sì a parla piemontèis a un livel motobin svicio .

 pms-2

St'utent-sì a parla piemontèis a un livel gnanca mal .

 pms-1

St'utent-sì a parla piemontèis a truch e branca .

Search user languages

[edit] Piemontese

Bin avnù ant sël portal dla lenga piemontèisaan OmegaWiki!

Coma tute le lenghe, ëdcò ël piemontèis a l'ha sò mila parlé locaj, che ambelessì a son tùit bin gradì. Un dì ò l'àutr i speroma dë fejla a fesse dj'utiss për studié e cataloghé le variant regionaj, ma costa a l'é na version motobin giovna dël programa, e donca për prim but i l'oma d'avej an ment le ròbe pì fondamentaj.

Con lòn che OmegaWiki a l'é ancó nomach che un protòtip, për adess i lassoma pa modifichè ij dat. Se a-j anteressèissa mai ës proget-sì, për piasì che an lo fasa savej ën creand-se na soa pàgina utent e ën butand-je dzora sò stamp ëd Babel (coma col che a s-ciàira ambelessì a la man drita), ansema a qualsëssìa àutra anformassion che a l'abia piasì dë feje savej al rest dël mond.

Quand che nòstr uss a l'avnirà a deurb-se, as dorbirà mach për cheidun. Për piasì che a porta passiensa se a sarà pa sùbit ant la lista. Ij prim utent a saran sërnù da le comun-e dj'utent dij Wiktionary che a-i son già, con preferensa a chi che mej a peul capì l'architetura dël sistema e a chi che i conossoma. Gent che a l'abia basta ëd passiensa për nen fesse ciapé la flin-a quand al sistema a-j pijeran soe sinch minute e che a peula dene na man a deje deuit a le gran-e.

Antramentr che i saroma ant ës moment ëd dësvlup an farà sempe piasì sente lòn che a në penso utent ëd Wiktionary, studios e utensa normal. Lòn che dzortut a n'nteressa a l'é:

Com fas-lo cont dë dovré ës proget-sì?
Che utiss che a-j fariì-lo pì còmod avej, quand i podroma slarghesse?
Còs é-lo che a travaja ancò nen giust?
Ha-lo mai dj'idèje ëd coma as peulo fesse mej chèich-còs?

Për adess, se a s-ciàira n'eror ant ij dat, për piasì che an gionta {{Attention|<ambelessì a së scriv che problema che a-i sio ant l'artìcol>}}, ma che a lo buta mach ant la pàgina ëd discussion. Belavans, anans che podej fé d'àutr i soma dapress a travajeje ansima a la stabilità dla base dat midema, ma se a-i buta na nòta ant sla pàgina ëd discussion dl'artìcol la gran-a antant an resta marcà për quand che i l'avroma ëd temp për deje deuit.

A peul ëdcò modifiché le pàgine dij portaj, coma costa-sì. Se as la gava ëdcò an dj'àutre lenghe, che a varda pura lòn che a-i é ant ij portaj ëd cole-lì, e che an daga na man a fele pì bele.